Hugo (2011)

 ஆஸ்கர் நாமினேஷன் லிஸ்ட்டில் இடம்பிடித்த நாளிலிருந்து, தேடித்தேடி கடைசியில் ஒருவழியாக பார்த்தே விட்டேன் ஹியூகோ படத்தை.. ஆனால் பார்த்த பின்பு இதுக்கு இவ்வளவு எதிர்பார்த்திருக்கத் தேவையில்லையே என்ற ஓர் எண்ணம் மனதில் ஓடுகிறது!

பாரீஸில் வாழும் ஹுயூகோ கப்ரெட் எனும் சிறுவன், இறந்து போன தந்தை தனக்கு கடைசியாக கொடுத்த ஒரேயொரு க்ளூவை கண்டுபிடிக்கும் முயற்சியில் இறங்கி, இறுதியில் உலகத்தால் புறக்கணிக்கப்பட்ட ஒரு பிரபலத்தை மீண்டும் புகழுக்கு கொண்டு வரச் செய்வதே கதை.

The Departed (2006)

லியனார்டோ டிகாப்ரியோ+மாட் டேமன் இணையும் பக்கா அதிரடி+திரில்லர் ஸ்டோரி, மார்ட்டின் ஸ்கார்சேஸிக்கே உரிய பாணியில்... இதைத் தவிர வேறென்ன வேணும்??


3 வருஷத்துக்கு முதல்ல படம் பார்த்தப்போ நானும் இப்படித்தான் நினைச்சேன்.. ஆனா படத்தோட திரைக்கதை அமைப்பு இருக்கே.. அது இன்னும் ஒருபடி மேல உயர்த்தி வைச்சிருக்கு!! சமீபத்தில் தான் மீண்டும் படம் பார்க்க கிடைத்தது. அப்போது இருந்த விறுவிறுப்பு கொஞ்சமும் குறையவில்லை! குறிப்பா சொல்லனும்னா படத்தை இன்னும் ரசிக்க முடிஞ்சுது!! அதான் அதுக்கு ஒரு பதிவை போடலாம்னு எழுதுறேன்..

ஏதாவது ஒரு குழுவில் இருப்பவர், எதிர்க்குழுவில் நுழைஞ்சு அவங்களுக்குள் ஒருத்தவாவே நடிச்சு, வேவு பார்த்து?, எதிர்க்குழுவின் பிளானையெல்லாம் முறியடிக்க தன் குழுவுக்கு உதவினால் அவரை "கறுப்பு ஆடு" என்று சொல்லுவோமில்லையா?? அப்படிப்பட்ட இரண்டு கறுப்பு ஆடுகளைச்சுற்றித் தான் கதை போகுது!!

Shutter Island (2010)-2

அட.. டிகாப்ரியோ படத்துக்கு நான் தொடர்பதிவு எழுதறது இது ரென்டாவது முறை!! கவலைப்படாதீங்க இந்த படத்தை ரென்டு பதிவோடயே முடிச்சுக்கறேன்...

ஆன்ட்ருவா? டெடியா? என்ற இந்த மில்லியன் டாலர் கேள்விக்கு விடை ஆன்ட்ருதான்!!
ஆஷ்கிளிஃப் ஒரு கொடூரமான மருத்துவமனை என்ற பேச்சுக்கெல்லாம் இடமில்லை.. மொத்தத்துல தானும் குழம்பினதோட, பார்க்கற நம்மளையும் குழப்பிவிட்டிருக்காரு ஹீரோ ஆன்ட்ரு..

நீங்க ஷட்டர் ஐலன்டை இரன்டாவது முறையா பார்க்கப்போறீங்கன்னா...இந்த முறை டிகாப்ரியோ ஒரு பைத்தியம் தான் என்ற கருத்தை மனதில் நிறுத்திக் கொண்டு பாருங்கள்.. அப்பத்தான் கதை புரியும்...

Shutter Island (2010)-1

லியனார்டோ டிகாப்ரியோ நடித்த படங்களை பிடித்த வரிசையில் அடுக்கச் சொன்னால் டைட்டானிக், இன்செப்ஷனுக்குப் பிறகு இந்தப் படத்தைத் தான் தேர்ந்தெடுப்பேன். படம் ரிலீசான ஒரு மாதத்திலேயே படம் பார்த்துவிட்டேன். ஆனால் அப்போது என்னால் கதையை முழுதாக விளங்கிக் கொள்ளவில்லை. படத்தை இரண்டாவது தடவையாகப் பார்க்கும் போது தான் குழப்பம் தீர்ந்தது...

இப்படம் டென்னிஸ் லிஹேனால் எழுதப்பட்ட shutter island நாவலைத் தழுவி எடுக்கப்பட்ட, ஸ்கார்சேஸி-டிகாப்ரியோ கூட்டணியில் உருவாகும் 2வது படமாகும். இந்தப்படத்தை முதல்தடவை பார்க்கும் போது ஒருமாதிரியும், 2ம் தடவை பார்க்கும் போது வேறு மாதிரியும் தென்படும்... அதாவது ஒரே கல்லுல ரென்டு மாங்கா!!

குழப்புகிறதா?.... படத்தின் கதை ஒன்று தான். ஆனால் முதல் தடவையின் போது ஹீரோவின் பார்வையிலும் (கிட்டத்தட்ட 1st person view)
2வது தடவை ஹீரோ தவிர்ந்த ஏனைய பாத்திரங்களின் பார்வையிலும் (இது 3rd person view) படத்தை அனுபவிப்பீர்கள்..